Chapter Seven
Tuloy pa ring ako sa pagsilip. Pasimple lang para hindi halata. Nang gumawi ang tingin ni poging englishero ay dali-daling naglakad na ako. Sino kaya siya? Bakit may poging nagpapakalat-kalat dito sa Sumalangit public market?
Nadaanan ko pa ang isang itim na sports car. Pamilyar iyon kaya sinilip ko ulit ang plate number ng sasakyan.
Ito iyong sasakyan na sobrang bilis na tumakbo kaya ginawa kong pangharang si Chi-Chi. Siguro sasakyan ito ni pogi.
Nagpatuloy na ako sa paglalakad. May mga batang palaboy pang humabol sa akin na daig pa ang tax collector.
"Pahingi po bente." Habol nila. Dala pa nila ang kakanin ko.
"Nabigyan ko na kayo kahapon. Hingi ulit?" reklamo ko pero inilapag ko na ang mga dala at inilabas ang pera. Pero pinagbibigyan ko pa rin. Gano'n naman dapat, m
