Jelaine's POV
"Gian?" wika ko sa mahinang tinig. Hindi ko pa siya nakikita ngunit sigurado akong boses ni Gian iyong narinig ko.
"Nathan, Ivan, iyong yelo daw hoy!" Muling sabi ni Gian.
Anong ginagawa ni Gian sa bahay na ito? Piping tanong ko sa isip ko.
"Ano bang nangyayari sa inyo? Nakahanap na naman kayo ng babae, ano?"
Para akong tinulos sa kinatatayuan ko nang tumawa ito. Gian. Ang sabi niya nasa Isla siya para samahan ang isang guest ng Resort, pero bakit nandito siya?
Binundol ng kaba ang dibdib ko dahil maraming bagay ang naglalaro sa isip ko ngayon. Natatandaan ko talaga na nakita ko na sa Resort ang dalawang lalaking nakita ko rito at kung narito sila, ibig sabihin El Greco sila. Ayon kay Dana ay El Greco ang mga narito ngayon.
Kinakabahan man sa maaaring makita, dahan-
