Jelaine's POV
MATAPOS naming maglinis ng katawan ni Lala ay umalis na kami papunta sa malaking bahay sa labas ng Resort. Simpleng short na hindi aabot sa tuhod ko ang suot ko, tinernuhan ko iyon ng isang t-shirt na kulay navy blue.
Magkasabay kaming naglakad ni Lala, kapuwa kami tahimik dahil iyong kabang nararamdaman ko kanina habang nasa loob ng quarter ay palala nang palala. Mas nagiging iba ang pakiramdam ko sa bawat hakbang namin papalapit sa bahay na iyon.
Sobrang weird, iyong pakiramdam na parang may makikita akong hindi ko dapat makita?
"Hoy!" Napaiktad pa ako nang tapikin ni Lala ang braso ko. Kunot ang noo na tumingin ito sa akin. "Anong nangyayari sa'yo?" tanong nito.
"H-Ha, ako?" tanong ko sabay turo sa aking sarili.
"Malamang ikaw, tayong dalawa lang naman ang naglalak
