Jelaine's POV
KAHIT puyat ay pinilit ko pa ring bumangon para maghanda sa trabaho ko. Hindi kasi ako nakatulog ng maayos kagabi dahil dala ko sa pagtulog ko ang tungkol sa babaeng nagngangalang Amanda. Hindi siya mawala sa isip ko, kung bakit ay hindi ko rin alam.
Inaantok pang nagtungo ako sa banyo para maligo na. Hanggang sa pagliligo ko ay dala-dala ko iyon sa isip ko.
Posible bang may ugnayan kami sa isa't-isa ng Amanda na iyon?
Nang matapos akong maligo ay kaagad akong lumabas ng banyo. Dali-dali akong nagbihis at saka kinuha ang cellphone ko na nasa kama. Kaagad kong tinawagan si Nanay. Hindi kasi ako mapapalagay hangga't may iniisip ako.
Hindi agad sinagot ni Nanay ang tawag ko. Baka may ginagawa pa.
Papatayin ko na sana ang pangatlong tawag ko nang may sumagot na sa kabilang
