Gian Marco's POV
"Anong ibig sabihin nito, Marco?" Malamig na boses ni Daddy ang sumalubong sa akin pagkapasok ko pa lang sa bahay ng mga magulang ko.
"Dad." Lumapit ako rito at nagmano.
Salubong ang kilay na tumingin ito sa akin. "Ano itong nabalitaan ko na hindi ka pa raw nagre-report sa office tungkol sa pamamahala ng El Greco Resort?"
"Dad, I can explain every--"
"Galingan mo ang paliwanag mo, Marco," putol nito sa sasabihin ko.
Napakamot na lang ako sa aking ulo dahil mukhang beast mood ito.
"Tumawag ako sa Resort kahapon para kumustahin ang pamamahala mo ro'n, pero ang sabi ng tauhan ro'n na si Concheta hindi ka pa raw nagpapakita," tukoy nito sa pinaka-Head ng Resort. "Marco, dalawang linggo ka na sa Resort pero hindi nila alam na naroon ka?" mataas na ang boses nito.
"Dad,
