Jelaine's POV
MATAPOS ang maghapong trabaho ay nagpahinga muna ako sa aking kuwarto. Balak ko kasing lumabas ng Resort mamaya dahil gusto kong ibili ng mga pasalubong sina Lolo at Lola para sa pag-uwi ko sa probinsya. Sa weekend pa iyon pero bibili na ako para hindi naman hassle sa akin kung sa mismong pag-uwi ko pa ako bibili.
Mga mumurahing damit lang naman ang bibilhin ko dahil iyon lang naman ang kaya ng datong ko. Alam ko naman na kahit simpleng mga damit lang ang ibigay ko ay mapapasaya ko na sila nang bonggang-bongga. Gano'n kababaw ang kaligayahan ng aking mahal na Lolo at Lola. At mas dobleng saya para sa akin kapag napapasaya ko ang mga taong nagmamahal sa akin.
Matapos ang halos isang oras na pagpapahinga ay bumangon na ako at saka nagbihis ng medyo maayos na damit. Iyong ti
