Jelaine's POV
Nang makita kong makakasalubong ko si Gian ay nag-iba ako ng dadaanan. Papunta ako sa canteen ngayon para sana magtanghalian. Mag-isa lang ako dahil hindi pa tapos si Lala sa ginagawa nito. Pinauna na ako nitong kumain dahil baka mamaya pa raw ito matapos.
Mas binilisan ko ang paglalakad ko para hindi ako nito makita. Ilang araw ko na kasing iniiwasan si Gian simula nang makabalik ako rito sa Resort. Buo na kasi ang pasya ko, mahirap mang supilin ang nararamdaman ko para kay Gian ay sisikapin kong kalimutan na lamang iyon. Sa ngayon, si Tatay at Nanay ang gusto kong unahin.
"Jelaine!" Napapitlag ako nang biglang may humarang sa daraanan ko.
Nag-angat ako ng aking mukha at nakita ko si Gian, bakas ang lungkot sa mga mata nito.
"Gian, ikaw pala," sabi ko.
"Puwede ba tay
