JELAINE'S POV
"Hoy, totoo ba?" tanong ni Lala sa akin nang datnan ko ito sa kuwartong pagtutulungan naming linisin.
"Ang alin?" balewala kong tanong nang makapasok sa loob. Prente itong nakaupo sa ibabaw ng kama habang ang mga tuhod ay nakakrus pa talaga.
"Iyong nangyari? Sinagot-sagot raw ni Gian si Sir George, totoo ba iyon?" pag-uusisa nito.
Tumaas naman ang kilay ko. "Paano mo nalaman? Iniwan mo nga kami, remember?"
Kumagat naman ito sa ibabang labi nito at tila batang pagagalitan ng ina. Natatawang tinalikuran ko ito at saka nagsimulang maglinis.
"Hoy, totoo ba?" pangungulit pa nito.
"Oo, at naiinis ako sa 'yo. Basta mo na lang akong iniwan doon. Napaka-unfair mo, ikaw itong daldal nang daldal kay Gian kanina kaya tayo naabutan ni Sir George, tapos ikaw pa talaga itong nau
