Jelaine's POV
Kinabukasan ay nagising ako sa isang panaginip, hindi ko na raw nakita si Gian kinaumagahan dahil tinanggal daw ito ni Sir George sa trabaho nito.
Mabigat ang pakiramdam na bumangon ako ng umagang iyon para maligo at maghanda sa panibagong araw ng trabaho. Nagmadali na ako dahil balak kong hanapin muna si Gian bago ako magsimula sa trabaho ko. Hindi kasi ako mapapakali hangga't hindi ko natitiyak na hindi totoo ang panaginip ko.
Matapos maligo at mag-ayos ay lumabas na ako, nauna na kasi si Lala sa akin. Agad kong hinanap si Gian sa mga lugar na alam kong palagi nitong pinupuntahan. Pero nalibot ko na ang mga lugar na maaari nitong puntahan, pero hindi ko ito nakita.
Mauubos na ang bakanteng oras ko pero wala pa rin talaga. Kinakain na ng kaba ang dibdib ko dahil hindi m
