CHAPTER 11
HALOS takbuhin na si Yza ang pasilyo ng ospital para lang makarating siya kaagad sa Emergency Room habang umiiyak pagkagaling sa condo ng walang kwentang si DJ.
Anong saklap naman ng buhay na ang kaisa-isang taong akala niya ay matatakbuhan niya at mahihingan ng tulong ay siya pa ngayon ang nang-iwan sa kanya sa wala.
“Miss Yza baka madapa kayo.” paalala sa kanya ni Shelton pero hindi niya iyon pinakinggan.
Bitbit ng mga iyon ang pagkain na binili para sa kanya pero iniwanan niya ang dalawa kaya ang lalaki ng mga hakbang para lang makahabol sa kanya.
Sa pagliko niya ay nasalubong niya ang duktor ng lola niya kaya napatigil siya sa pagtakbo at pasimpleng pinahid ang mga luha niya sa mukha.
“Yza iha, nasa kwarto na ang lola mo. ‘Wag ka ng umiyak kasi may time frame pa naman
