CHAPTER 7
LAMAN pa rin ng utak ni Yza ang nangyari sa kanya kagabi habang naglalakad siya sa pathway ng eskwelahan at yakap ang bag. Ewan niya kung bakit ang lungkot ng pakiramdam niya dahil sa naging pagtrato sa kanya ni Adam. Hindi naman siya makaramdam ng pagsisisi, pero bakit ang bigat ng kalooban niya dahil sa insultong inabot niya?
Mukha ba siyang p****k na nagpapabayad?
Paggising niya ay wala na ang amo niya. Umalis na yata at bumiyahe papuntang ibang bansa at iniwanan siya ng isang halik na maalala niya parati at isang insulto.
“Uy!” biglang akbay sa kanya ni Tiffany na sumulpot mula sa kung saan.
Nalingon niya kaagad ang kaibigan na ang laki-laki ng ngiti.
“Good morning Ms. Brina. Bakit Lunes na Lunes ay para kang nagluluksa?” puna nito sa kanya.
Natingnan niya nang husto a
