Kinakabahan si Santa nang makababa siya sa taxi, sa mismong tapat ng building ng kompanya nila. Lunes na lunes pero abot hanggang langit ang kaba niya dahil sa nangyari noong christmas party kaya hindi siya pumasok kaninang umaga. Kinakabahan siya kung paano ang gagawin niyang rason sa mga kasamahan kapag nagtanong ang mga ito tungkol sa kanila ni Dominic.
Ano naman ang sasabihin niya sa mga ito? Na nagkaroon sila nang one-night stand ni Dominic kaya bina-blackmail siya nito na pakasalan niya? Baka pagtawanan lang siya, para sa kanila hindi kapani-paniwala ang pangba-blackmail na ginagawa nito sa kanya. Napailing na lang siya. Pagpasok niya sa building ay kaagad na sumalubong sa kanya si Mica.
"Santa!" tili nito, pagkatapos ay hinila siya sa isang tabi kung saan silang dalawa lang. "Al
