CHAPTER 75
Nakailang lingon ako kay Gjiam. Nakailang subok na sana magtama ang aming mga paningin. Hanggang sa nang idaan ko lang sana ang tingin ko sa kanya ay sakto namang tinanggal niya ang salamin niya at nagkahulian kami ng tingin. Sa wakas, nagtagpo ang tingin namin ni Gjiam. Bakas sa kanyang mukha ang tuwa. Tumango pa siya sa akin na para bang tuwang-tuwa siya sa kinalalabasan ng first trial. Kagaya ko, napapangiti siyang may luha sa kanyang mga mata. Tumango rin ako sa kanya. Kung sana malapitan ko lang siya. Kung sana makausap. Mayakap man lang sana siya at masabihin nang paulit-ulit na siya lang at wala na akong iba pang mamahalin. Gusto kong sabihin sa kanya na nagbabago na ako. Umiwas na ako at hindi na muli pang uulit. Na sa wakas nakapag-adjust na rin at kaya ko nang labana
