CHAPTER 21
“Iinom ka? Umiinom ka na?” nagulat kong tanong panlaban sa init na aking nararamdaman. Kailangan kong maggalit-galitan baka lang mawala. Para lang hindi ako bibigay.
“Isang bucket lang naman. Pampaantok. Hindi naman hard eh saka wala naman ako sa school.”
“Ikaw ba naligo na? Baka naman basa mo pa ‘yan kanina nang nasa labas tayo at naulanan,” pagod na akong magsungit. Hindi na uubra ang kasungitan ko sa kanya kaya bahala na siya sa gusto niyang gawin lalo pa’t the idea of having drink is really appealing to me. Gusto ko ngang dagdagan ang binili niyang isang bucket. Gusto ko rin uminom. Gusto ko ring maglasing.
“Giniginaw kasi ako eh, pero gusto mo bang mag-shower muna ako para ready na sa laban?”
“Anong pinagsasabi mo?” itinapon ko ang isang tuwalyang nakatupi sa kama ko.
