CHAPTER 22
“Anong alam mo sa nangyari sa akin kagabi?” tanong ko.
“Narinig ko si Daddy kaya pasensiya na kung kahit anong pakiusap na iwan kita o uuwi ako, hindi ko magagawa. Ngayon mo mas kailangan ang kasama, Faith. Kahit magalit si Daddy sa akin, hindi kita pwedeng pabayaan. Kahit pa isipin niyang kinakalaban ko siya.”
“Pero bakit?”
“Malakas ka raw sa mga tao. Kung lalabanan mo si Daddy, nakikita ng partido niya na pwede mong ipanalo kaya ka nila tinatakot. Pero kung hindi ka aatras, paniguradong tutuluyan ka.”
“At sinasabi mo sa akin ang lahat ng ito kahit alam mong Daddy mo ang madidiin o makukulong kung may mangyari sa akin?”
Huminga siya nang malalim. Tumungga ng alak. “Alam ko pero sobra na si Daddy. Sobra na ang kanyang kasamaan. Wala naman akong pakialam sa ibang ginagawa n
