CHAPTER 71
“Kalma! Ibaba mo nga ‘yan!” utos ni Tores sa kanya.
“Sir, alam mo ang patakaran. Anong ibaba na lang? Di ba dapat dito pinapatay na ‘to kaysa maikalat niya sa lahat yung tungkol dito? Nasa usapan natin ‘yan at ginawa na natin noon sa iba. Di ba pinatatahimik ang sinumang makabubuko sa sa atin? Anong kaibahan nito sa mga nauna nating pinatahimik noon? Kailangan nang gawan ito ng paraan!”
Nakita kong mabilis na binunot ng Tores ang baril niya. Hindi niya sa akin itinutok kundi sa may edad na ngunit maliksi at kinatatakutang mayor sa kabilang selda. Matangkad itong babae, mukhang sanay sa pakikipaglaban at ang isang ipinagtatataka ko, paanong hinayaan itong makalabas, paanong armado ito?
“Guban, ibaba mo ‘yan! Baba!” boses ni Rocky iyon.
Hindi ko na siya nilingon pa para kum
