Tanghali na ng magising ang mag-asawang sina Hector at Carmela, kapwa sila dumulog na sa hapagkainan.
" Manang, nag-almusal na po ba si Henry?" nakasanayan na niyang tanungin dito si Henry kung kumain na kapag tinanghali siyang gumising.
Inabot sa kanya ni Hector ang piniritong hotdog.
" Naku, señorita madaling araw pa po ng umalis si Señorito Henry. Kasama niya po ang isa nating driver at ang yaya niya." sagot ng mayordoma.
Napakunot ang noo niya.
" Bakit po? Saang siya pumunta?" tanong niya.
" Oo nga Manang, himala maagang nagising ang isang iyon. Ei bakit daw po kasama pa ang isang driver at ang kanyang yaya?" tanong naman ni Hector.
" Ang alam ko po ay sa Manila na siya mag-aaral Señorito." sagot ng matanda.
" Ano po??!" gulat na tanong niya, sabay pa sila ni Hector.
