Dali-daling nagtungo si Carmela sa kanilang silid ni Hector. Hindi siya makapaniwala sa ginawa ni Henry. Sobrang sama ng loob niya dito.
Papanong nagawa ni Henry na takutin siya ng ganon? Papanong nagawa nito na halikan siya ng ganon? Papanong nasabi nito ang lahat ng masasakit ng salitang iyon?
Humiga siya sa kama at doon umiyak ng umiyak. Sa isip niya,kasalanan niya ang lahat kung bakit nagbago ang ugali ni Henry. Ngayon, hindi niya alam kung kaya pa niya itong harapin, o pakisamahan. Nagbago na ito, hindi na ito isang batang paslit na bawat sabihin niya ay susundin nito. Dapat sigurong iwasan na lamang niya ito, dapat sigurong tanggapin na niya na tuluyan na itong nagbago.
Parang pinipiga ang kanyang puso dahil doon. Lalo pa at naramdaman niya ang kawalan ng galang nito sa kanya. P
