EIJI
"Ano ang ginagawa mo rito? Wala namang pasok ah?" tanong ni Jas.
Tumabi siya sa 'kin at naupo. Kita namin ang buong soccer field mula rito sa rooftop. Merong mga tao rito na nagpa-practice dahil malapit na rin ang tournament, though hindi ko alam kung makakasali ako.
"Wala lang, nanonood ng practice game, ikaw? Hindi mo yata kasama si Tyrone?" tanong ko.
Napangiti naman siya. Ganito na lang lagi, kapag tungkol kay Tyrone ang usapan lagi siyang nakangiti. Kapag ako kaya ang topic? Matutuwa siya nang ganyan?
Well, dream on, Eiji. Hindi mangyayari 'yon. Kahit kailan...
"Dapat bang lagi kong kasama si Tyrone?" tanong niya sa 'kin.
Napatawa na lang ako nang mahina at mapakla. "Oo nga naman... pero ano ang ginagawa mo rito?" tanong ko.
"Ikaw lang ba ang pwedeng pumunta rito?" tanong
