SUMAPIT ang graduation party nila Lyndon. Sa mga araw na nagdaan ay pansin ko ang pag-iwas niya sa akin. Simula nang mangyari ang halik na 'yon ay tila nailang na rin ako sa kanya. Pero inaamin kong hinahanap-hanap ko iyon. Suot ang ibinigay ni Ronoel na dress. Kulay dilaw iyon na mas lalong nagpatingkad ng kulay kayumanggi kong balat. Hindi ko kasi tinanggap ang dress na binigay ni Lyndon. Nalungkot siya nang tanggihan ko 'yon, ngunit nang ipakita ko ang dress na gagamitin ko'y pumayag na rin siya. Nakakahiya naman kasi na pati ba naman dress na gagamitin ko 'dun ay galing pa sa kanya. Tama na 'yung ginamit ko noong unang date namin. Tumunog na aking cellphone hudyat na naghihintay na si Lyndon sa kanto.
"'Nay, alis na po ako!" paalam ko kay nanay na ngayon ay nakahiga na.
"Sige, anak,
