"BILI na kayo mga suki. Singkwenta na lang, bagsak presyo na!"
"Tatlo isandaan na lang po mga damit pambata, pili na kayo!"
"Ohh ate, kuya! Murang-mura lang dito sa amin. Libre sukat, libre hawak at libre pili!"
Nakakabinging ingay at napakaraming tao ang sumalubong sa akin dito sa divisoria. Halos hindi na mahulugan ng karayom dahil sa sobrang siksikan. Sinabayan pa ng mga nagtitinda na nakalatag sa kalsada, kaya naman lumiit na ang space para sa daanan ng mga tao. Nililibot ko ang mga mata sa paligid nagbabakasakaling makakita ng mga murang items na p'wede kong maibenta sa amin. May mga nakita akong mga damit na tig-singkwenta pesos lang ang isa. Mayroon ring mga damit pambata na terno at tig-singkwenta rin. Nadako ang tingin ko sa mga blouse na mga uso ngayon. Crop top iyon na iba-ib
