DHIANA
"KAILAN ang labas ni Nini?" tanong ni Kean sa akin nang makatulog na si Nini.
Apat na araw na simula nang makita kami ni Kean at dalawang araw na din nang mapagpasyahan kong lumayo.
Siguro hindi lang para hindi makasira ng relasyon kun'di para kahit paano ay makalimot sa nangyari sa amin ni Nanay.
Kahit kasi anong sabihin kong okay lang ay hindi dahil nasasaktan pa din ako lalo na nga ay nakita ko si Kean na pinagbentahan ko ng sarili ko para lang mapagamot ang kapatid kong walang utang na loob.
"Sa makalawa daw. May isang test pa daw na gagawin bukas para masigurong okay na siya," usal ko.
Nakita ko naman na tumango-tango ito at muling tumingin kay Nini.
Kinuha nito ang phone niya na pinahiram niya sa akin noong nakaraan. Hindi ko naman nagamit iyon dahil mabilis lang din si
