DHIANA
HINDI ko maiwasang tignan si Nini at Kean na nagtatawanan habang magkatabi sa kama ng kwartong sinabi ni Kean na lilipatan ni Nini.
Simula kahapon nang malaman nito ang tungkol kay Nini ay umalis lang ito saglit pagkatapos niyang masiguro na nasa mabuting kwarto si Nini pero kinagabihan din noon ay bumalik siya. May mga dalang itong prutas at take out food.
Hindi ko din inexpect na aabot siya hanggang doon. Ni hindi ko nga inexpect na aakuin niya agad ang pagiging tatay kay Nini nang ganon kabilis.
Mayaman siya at kadalasan 'pag nagkakaroon ng babae na nagsasabing naanakan nila ay kailangan pa ng DNA o kung anu-anong kwestyon pero siya hindi… agad niyang inako si Nini…
Muling nabaling ang tingin ko sa kanila nang marinig ko ang hagikhik ni Nini dahil kinikiliti siya ng papa niy
