MALALIM na bumuntong hininga si Soffie nang tila hindi siya narinig ni Nick dahil sa ingay ng musikang pinatutugtog sa loob ng function room. Abala rin ito sa hawak na cell phone. Sa buong oras na naupo sila ay hindi na niya ito nakausap dahil ang tuon ay talagang nasa kausap lamang sa telepono. “Nick,” muling tawag niya rito at hinawakan ito sa braso. Kaagad na nakuha naman niya ang atensyon nito.
“What?” he asked her confused and looked around. Hindi nito napansin kung ano na ang nangyayari sa paligid. He was too busy talking with his men working tonight. Kasalukuyan nang nasa loob ng isang silid si Luke at ilang kasamahan nito at ngayon ay nakikipagkasundo sa ilang katransaksyon.
“A-alam mo ba kung saan ang pinakamalapit na banyo?”
Tumayo ito at ibinulsa ang hawak na cell phone.
