KAAGAD na binalot si Nick ng pag-aalala para kay Soffie at hindi niya alam kung tama bang maramdaman iyon. Sino ba naman ito sa kaniya upang alalahanin. Kung ano man ang mangyari rito ngayon ay wala siyang pakialam. Subalit kailangan niya pa ito hanggat hindi naibabalik sa kaniyang mga kamay ang bagay na kaniyang kailangan. Malaki rin ang isinugal niyang pera para mapasakamay ang babaeng ito nang hindi ginagamitan ng dahas. Balak niya sanang pakawalan kaagad si Soffie sa oras na sumuko si Henderson at ibalik sa kaniya ang naturang flash drive na ngayon ay nawawala, subalit biglaan ang pagkamatay ng lalaki at kahit siya ay hindi maipaliwanag kung bakit. Mas lalo tuloy naging kumplekado para sa kaniya ang lahat. Ang perang ibinigay niya sa ina ng dalaga ay maliit na halaga lamang kumpara sa
