HIMBIS NA lumabas ng bahay ay mas minabuti ni Soffie na manatili sa kaniyang silid at magpahinga. Hindi rin kasi maganda ang kaniyang pakiramdam kahit na wala naman siyang sakit. Inabala niya na lamang ang sarili sa panonood ng kung ano-anong palabas sa telebisyon. Nang mainip ay bumaba sa sala upang tumulong sa ilang kasambahay sa paglilinis. Kaya nga lamang ay hindi siya pinayagan ng mga ito. Wala siyang nagawa kundi maupo sa sofa at tumitig kung saan.
“Ms. Soffie, may naghahanap po sa ‘yo sa labas.”
Humarap siya sa isang kasambahay na lumapit.
“Sino po?”
“Rider po. May document daw po para sa ‘yo.”
Tumango siya at tumayo mula sa kinauupuan. Nagtungo siya sa labas at naabutan sa gate ang isang rider ng motorsiklo. Hindi na nito hinubad ang suot na helmet. “Good afternoon po,” b
