KINAUMAGAHAN ay kaagad silang byumahe pabalik sa Manila. Hindi alam ni Soffie kung bakit ngunit bakit mabigat ang kaniyang loob na babalik na sila at malabo nang masolo si Nick muli nang sila lamang dalawa. Ilang araw pa lang silang magkasama nang sila lamang, ngunit tila hindi niya na nais mahiwalay dito. Hindi man niya aminin sa kaniyang sarili, ngunit sa loob ng maiksing mga araw na kasama niya ito ay unti-unting napalapit sa kaniya si Nick at nagkaroon ng halaga. Ngunit tama ba niyang maramdaman ang bagay na ito para sa lalaki?
Nang makauwi sila sa mansion ay maayos naman ang lahat ngunit nang sumunod na mga araw ay naging abala si Nick sa trabaho. Maaga itong umaalis ng bahay at madaling araw na nakauuwi kung kailan tulog na siya. Hindi na sila nagpapang-abot pa upang kahit na paano
