Pakiramdam ni Izzy ay halos mag dugo na ang sariling labi sa diin ng pagkaka kagat niya doon, pigil ang pag hingang pilit niyang sinalubong ang malalim na tingin sa kanya ni Seth Santiago.
Isama pang hindi niya na rin malaman kung ilang minuto na lumipas at nanatili pa ring tahimik si Seth matapos niyang bangitin ang huling mga salitang sinabi niya rito kanina.
Handa na akong mag bayad, Seth Santiago…
Sino ba ang niloko niya? Gayong alam na alam niya naman na kahit ilang araw, lingo at buwan pa ang palipasin niya ay hindi siya magiging handa para dito, at alam niya ring batid iyon ni Seth.
Kung hindi ba naman ay hindi siya nito titigan ng ganito.
Dahil sa tila biglang pag daloy ng mga isiping iyon sa kanyang sistema at pagkapahiya na rin sa lalaki ay wala sa sariling navbawi na lamang
