ALEXA POV
Nagkakasiyahan ang pamilya Montana. Sama-sama na naman kasi sila at tulad ng dati tuwing weekend ay naglalaan sila ng oras para makapag-bonding.
Tawa dito tawa do'n ang maririnig sa tuwing kumpleto sila, at sobrang nakakainggit ang klase ng pamilya na mayro'n sila.
Pangalawang araw ko na rito sa Hacienda nila at hanggang ngayon hindi pa rin ako makakuha ng lakas ng loob na makausap si David. Simula kasi ng mangyari ang nangyari sa condo ay umiwas na ito sa akin, ni hindi ako nito magawang tingnan sa mga mata ko.
Nalulungkot ako dahil siya lang ang tanging hindi kumakausap sa akin. Sinusubukan kong lumapit, pero sa tuwing magtatangka ako ay aalis naman ito at lalayo sa akin.
Sa loob ng dalawang taon na lumipas, ay marami ng nagbago, maraming dumagdag sa pamilya Montana. Tul
