DAVID ANTHONY POV
Matapos ang makabagbag damdaming tagpo sa airport kanina ay dumiretso kami rito sa Batangas. At hindi magkandaugaga ang pamilya ko nang makita nilang kasama ko si Alexa. Kitang-kita ko ang saya at tuwa sa mga mukha nito.
Lalo na ang mga pinsan ko na best friend ni Alexa. Ilang oras na hindi matapos-tapos ang kuwentuhan nilang lahat.
Ang akala kong malungkot na birthday ko ay naging napakasaya. Kumpleto ang buong pamilya ko, mga kaibigan ko at higit sa lahat ang babaeng mahal na mahal ko. Na mula nang magkabalikan kami kanina ay hindi na kami naghiwalay pa. Kung saan ito pumunta ay nakabuntot ako rito. Kinakantiyawan na ako ng pamilya ko na hindi naman daw ako tatakasan ni Alexa. Pero hindi ako nagpatinag sa pangangantiyaw nila.
Naniniguro lang ako dahil ayaw ko na it
