*Kylie*
“Okay lang ba talaga sa'yo na pumunta do'n? Baka magkagulo na naman kayo do'n ni...”
“Okay lang, Rik.” pinutol ko ang sasabihin niya. “Ando'n naman pati si Adeline kaya malabong mangyari na guguluhin kami ni Akinn,” pangungumbinse ko sa kanya. Alam ni Rika ang nangyari sa amin kanina ni Akinn no'ng nasa computer shop ako. Yo'ng angilan namin at yoong kundisyon niya. Naikwento ko kanina nang umuwi ako dahil pakiramdam ko kung hindi ko ilalabas ang lahat ng sama ng loob ko ay siguradong sasama ang pakiramdam ko. Magiging pera pa yo'n ng doctor kapag nagkataon.
Umuwi din kanina si Akinn na hindi alam ang sagot ko. Kailangan kong pag-isipan ang bawat katagang bibitawan ko. Bawat desisyon na gagawin ko. Tuso si Akinn at nakukuha niya ang lahat sa pagiging tuso niya. Naki-usap ako sa
