Chapter 16 – Road to elite
Pinagmasdan ko ang Monkeagle na lumilipad sa himpapawid. Nagtago kaming lahat sa ilalim ng puno upang hindi niya kami makita mula sa itaas.
Patuloy na nagpapaulan si Nicy sa gawi ng kalaban habang palipat-lipat ng pwesto. Tinulungan siya ni Oliver na i-boost ang kapangyarihan at bilis niya para mas maging epektibo ang mga palaso niya.
Tumalon si Alton sa himpapawid at pinatamaan niya ang kalaban nang sunod-sunod. Tinulungan ko naman siya upang tumaas ang talon niya at maging mas malakas ang pagpapatama niya. Nakipagpalit agad siya kay Lance nang tamaan siya ng pakpak ng Monkeagle.
Ang buong katawan niya ay isang unggoy at mayroon siyang pakpak ng agila. Ang buong balat niya ay puro balahabo ng agila. "Ang tigas ng mga balahibo niya. Ang hirap sirain!" bulalas
