Chapter 17 – Do it!
"Kung hindi ko lang alam kung ano ang mayroon sa mga gate ay masasabi kong madali lang ito," nakangusong sambit ni Nicy.
"Bakit? Paano ba kasi ang dapat gawin?" tanong ni Alton.
"Kailangan nating gamitin ang pisikal nating lakas sa gate para mabuksan iyon. Ang tagal ko nang hindi nabubuksan iyon kaya hindi ko alam kung lumakas ba ako o baka humina pa ang pisikal na lakas ko."
"Magtiwala ka lang, Nicy. Imposibleng humina ka dahil halos subsob tayo sa pag-eensayo nitong nakaraang taon," pagpapagaan ng loob ni Jian sa kaniya.
"Ano 'ng plano mo?"
Napatingin ako kay Sparrow nang bigla siyang tumabi sa 'kin. Hindi siya sumama kanina sa loob ng HQ dahil ayon sa kaniya, malalaman ng mga boss na nandoon siya. Tiyak na maguguluhan ang mga tao roon kapag nalaman nila ang pr
