Dahil sa pagsama nina Sir Apollo ay hindi makapaniwala na nagkatinginan na lang kami sa isa't isa ni Zeus. Gusto man namin na umangal sa ideya nilang iyon ay hindi naman namin magawa pa. Kaya sa huli ay hinayaan na lang namin sila na samahan ako sa aking pamimili ng mga bagong gamit sa aking bahay.
"Alright! Let's go!" tuwang tuwa na bulalas pa ni Miss Izabella at palundag na niyakap sa leeg si Sir Apollo dahil na rin sa pagsuporta nito sa kanyang mungkahi, "Darling! Thank you, thank you!"
Dahil doon, agarang napaiwas ako ng tingin sa lantaran na paglalambingan nilang dalawa. Kada magdidikit kasi sila ay hindi ko maiwasan na maapektuhan. Ramdam ko ang libong karayom na siyang nagpapakirot ng aking puso. 'Yung pakiramdam na gusto mo magwala para paglayuin sila pero alam mo naman na hindi
