"Eh?" gulat na bulalas ko nang matapos ang tawag na iyon.
Bahagyang natulala pa ako habang nakatingin sa patay na screen ng aking phone. Sobrang hindi ko kasi inaasahan na tatawag sa akin si Sir Apollo. Na alam pala niya ang phone number ko kahit wala ko man consent iyon.
Pero kung iisipin, ngayon na assistant niya ako ay dapat lang talaga alam niya ang phone number ko. Sa ganoong paraan ay madali niya ako masasabihan ng mga kailangan niya. Katulad na lang ngayon na nagpapabili siya ng kanyang lunch dahil hindi niya kayang lumabas pa mula sa dami ng kanyang ginagawa na trabaho.
Kaya nang matapos ang aming lunch break ay nagmamadaling nagpaalam ako kina Violet para ibili ng pagkain si Sir Apollo. Balak ko man ibili na lang siya ng lutong ulam sa pantry pero hindi ko alam kung pasok ba iy
