Pagkalipas ng ilang oras na walang tigil na paglalaro sa arcade ay parehong nakaramdam na kami ni Zeus ng gutom. Kaya sa huli ay nagkayayaan kaming dalawa na kumain na lang muna sa food court. Ngunit hindi ko akalain na pati pala sa panlasa ay magkakatugma kami. Kaya walang pagtatalo na parehong naisipan namin na kumain sa kainan ng mga sisig.
"Woaaah! Matagal tagal na rin nang huli ako nakakain nito," masayang hayag ko nang bumalik sa table si Zeus dala dala ang order namin.
Maasikaso naman na inilapag ni Zeus ang pagkain at inumin ko bago umupo sa katapat ko. "Ako rin ay matagal na ng huli na nakakain nito," tumatangong pagsang-ayon ni Zeus, "Hindi kasi mahilig ang ex-girlfriend ko sa mga ganitong ka-oily na food. Kaya tamang tama talaga na nag-crave ako nitong nakaraan at magagawa ko
