Ang mga titig na iyon mula kay Dominic. Tila tumatagos sa pagkatao ko at aaminin ko na nakaramdam na ako ng hiya. Nabitawan ko ang mga kamay niya at unti-unting nag-iwas ng tingin. Maya maya ay narinig ko ang pagbuntung-hininga ni Dominic. ."Okey, Okey!" taas ang dalawang kamay na sambit niya. Mabilis siyang tumayo at sumunod na sa dalawang bata.
Tahimik naman akong sumunod sa kanila. Tuwang-tuwa ang mga bata ng pumagitna kami ni Dominic. Hindi ako marunong sumayaw, ginaya ko na lamang ang step ni Amihan at ginaya din ni Dominic ang pagsayaw ng kasintahan ng dalaga. Masaya at bouncy ang uri ng sayaw gayunman ay pang-couple talaga iyon. Hindi ko mapigilang mapangiti habang sumasabay sa kanila. Hindi ko namalayan na apat na lang pala kaming sumasayaw sa gitna at masayang nanunuod na lang an
