◄Mayson's POV►
Mahigit tatlong buwan na kaming magkasintahan ni Trisha, dalawang buwan na rin halos mula ng maikasal si Thomas at Agatha. Naiinggit tuloy ako, gusto kong pakasalan si Trisha katulad ng engrandeng kasal ni Thomas na pinag-uusapan ng lahat. Gusto ko siyang iharap sa dambana upang ipakita ko sa lahat kung gaano ko siya kamahal. Gusto kong ipakita sa lahat na seryoso ako at siya lamang ang tanging nagmamay-ari sa aking puso.
Maayos naman ang pagsasama namin ni Trisha at hindi ako gumagawa ng kahit na anong dahilan upang masaktan siya. Hinding-hindi na mangyayari na masasaktan siyang muli sa piling ko. Ayokong mawala siya sa buhay ko kaya lahat ng respeto at pagmamahal ay ipinapakita ko sa kanya, huwag lamang siyang makakita ng kahit na anong butas tungkol sa nagawa ko sa ka
