┈┈┈┈◦•✩•◦┈┈┈┈
"Hindi naman kaya pulikatin ka na diyan, ha Mayson? Buhat ng dumating tayo dito, hindi mo na inalis 'yang mga mata mo diyan sa binoculars, at hindi ka na rin yata umalis diyan sa bintana." Wika ni Marcus. Hindi siya pinansin ni Mayson, nananatili lamang itong nakasilip sa bintana gamit ang binoculars at pinagmamasdan ang isla na tinutuluyan nila Trisha. Hindi niya nakikita ng maayos ang bahay nito dahil sa malalaking puno na tumatabing dito.
"Hindi ko sila masyadong makita, natatabingan ng mga puno ang bahay na tinutuluyan nila." Natawa lang si Marcus, hindi na pinansin ang kanyang pinsan at inamoy lang nito ang tasa na may lamang kape.
"Sakay tayo sa yacht mo. Hindi ko talaga sila makita dito, at least kapag nasa yacht tayo, kitang-kita ko sila pati ang bahay nila." Ani n
