┈┈┈┈◦•✩•◦┈┈┈┈
Halos malunod sa luha si Trisha ng makarating siya ng Baguio. Mabilis siyang bumaba ng kanyang motor at pabalagbag na binuksa ang gate na tinutuluyan ng kanyang mga magulang. Malalakas na katok ang ginagawa ni Trisha, halos hindi siya tumitigil hangga't walang nagbubukas ng pintuan. Ilang saglit lang din ay humahangos ang ina nito na binuksan ang pinto at nagulat pa ito ng makita ang luhaang anak.
"Panginoon ko, ano ang nangyari sa'yo?" Nag-aalalang tanong ng ina ni Trisha. Sapo ni Trisha ang kanyang dibdib na tinititigan si Emboy na nakatayo sa may hagdanan at nakatingin lamang sa kanya. Biglang napalingon ang kanyang ina kay Emboy, kaya nakaramdam ito ng takot na baka may alam na si Trisha tungkol sa katotohanan na anak nito si Emboy.
"Trisha anak, ano ang nangyayari sa
