"Oh? What happened?" bungad na tanong sa akin ni Mommy nang makauwi na ako ng bahay at nakasalubong niya akong hindi maipinta ang mukha ko.
"I just had a bad day, Mom. Please excuse me." Nilagpasan ko siya at dire-diretso na akong umakyat at pagalit na pumasok ng silid.
Lumikha ng malakas na ingay ang pinto nang pasalampak ko itong isinara at pasalampak din akong nahiga sa ibabaw ng kama.
Mariin akong pumikit, pilit kong kinakalma ang sarili ko kanina pa. Mabilis ang aking bawat pag-hinga dahil sa pagpupuyos na nararamdaman ko.
Wala ako karapatan magalit, alam ko, dahil wala naman kaming opisyal na relasyon ni Professor Gael. Idagdag pa na ako naman ang may gusto magkaro'n ng kung ano sa amin dalawa kaya wala akong karapatang mag-gaganito.
Ako ang nag-pilit ng sarili ko sa kanya, nang
