"Hindi ko alam ang sinasabi mo!" pag-iwas ni Avah na agad kumalas sa pagkakahawak ni Simon.
Mariin pa rin itong nakatitig sa kaniya. "Hindi naman totoo ang hinala ko, 'di ba? I-imposible 'yon."
Bahagyang nangunot ang noo niya. "Bakit? Ano bang hinala mo?"
Hindi ito sumagot bagkus ay napasapo sa ulo. Humugot ito nang malalim na paghinga habang tila pinakakalma ang sarili. Takang-taka naman si Avah sa inaakto nito.
"Pasensiya ka na. Kung ano-ano na lang kasi ang naiisip ko..." Napailing si Simon. "Wala pa rin kasing balita kay Avah at..." Hinilot na nito ang sintido.
"Okay ka lang ba, Simon?"
Mistula na naman itong napahinto at napatitig lang sa kaniya.
"Parang namumutla ka? May problema ba?" Hahawakan niya sana ang noo nito pero hinarang nito ang braso niya.
"Bakit ba... tinatawag m
