***
Mabilisang naligo at nagbihis si Avah para sa interview na 'yon. Gusto niyang maagang makapunta sa Glamour. Isinuot niya ang isa sa mga damit na nabili niya. May pagka-semi formal naman ang white and blouse na Korean inspired kaya puwede na rin 'yon. Ipinares niya 'yon sa itim na skirt na hanggang tuhod. Pero dahil hindi 'yon bumagay sa sneakers niya, lakas loob siyang bumaba at kumatok sa kuwarto ni Nicole.
Nang pagbuksan siya nito, taas-kilay na pag-iinarte nito saka napatingin sa ayos niya. "Bakit?"
"Wala akong matinong sandals. I'm sure mayroon ka? Pahiram ako," seryosong pahayag niya.
Napaismid lang si Nicole. "Nababaliw ka na ba? Pupunta ka lang ng chicken house, naka-make up at nagbihis ka pa ng ganiyan?"
"Inamag na ba 'yang brain cells mo?" balik ni Avah na hinalukipkipan
