***
Kahit hindi gusto ni Avah, wala siyang choice kung 'di sumama. Nagiging uto-uto na rin yata siya katulad ng babaeng may-ari ng katawan na ito. Hindi niya matanggihan si Simon kahit gustuhin niya. Sakay ng luxury car ng mga ito, nakaupo siya rito sa backseat at nakatingin sa labas ng bintana. Iniisip na lang niya na nag-jo-joyride siya patungo sa Batangas.
Hindi naman katagalan ang biyahe dahil dumaan sila sa SLEX, pero naiinis siya sa dalawang ito. Hindi niya itinago ang kaniyang pagsimangot habang nakahalukipkip. 'Di niya nga inintindi ang mga pangungulit ni David na katabi ni Anthony o Simon, maging siya nalilito na sa pangalan ng kababata.
Nang makarating sila sa lugar, agad silang hinarap ng pangunahing imbestigador na in-charge sa kaso niya. Wala pa namang kalinawan kung may ku
