Mukhang nakilala din ng sopistikadang ginang si Avah. Ngumiti pa ito nang maupo sa tapat niya. "Hindi ba ikaw 'yong kasama ni Ana kanina?" tanong ni Melissa na mukhang mas bata lang nang kaunti kay Auntie Juana.
"Ana pala ang palayaw ni Auntie?" laking pagtataka niya.
"Oo. Hindi mo ba alam?" wika nitong binuklat ang folder na hawak. "Kung ikaw naman pala ang i-interview-hin ko, tingin ko hindi na kailangan. You're hired."
"Sabi ko na nga ba, formality lang ito," pahayag ni Avah na napahalukipkip kasabay ng pagdede-kuwatro.
Muling ngumiti ang babae. "I think so. Pero, nadagdagan ka rin ng points dahil kay Ana. Malaki kasi ang utang na loob ko sa kaniya."
"Matagal na ba kayong magkakilala?" usisa niya na biglang nagkainteres. "Sabi niya, nakapagtrabaho na siya rito. Alam mo ba ang traba
