***
Hingal na hingal si Avah nang makalabas sa establisyementong 'yon. Ang bilis ng pag-uunahan ng kaniyang mga paa habang tumatakbo. Kahit marami siyang nakakasalubong sa daan, hindi siya lumilingon dahil sa pag-aalalang baka sundan pa siya ni Kuya Brian. Nang medyo makalayo, saglit siyang huminto para habulin ang sariling paghinga. Naupo pa siya sa bench na kaniyang nakita sa gilid ng kalyeng nalililiman ng puno.
"Nababaliw ba ang Cindy na 'yon? Sa lahat ng kakabitan, doon pa talaga sa mapapangasawa ng anak ng babaeng 'yon—" Natigilan siya dahil sa naisip.
Kung gugustuhin niya lang, puwede siyang makaganti sa ganitong paraan.
Ngunit, kaagad ding gumapang sa kalamnan niya ang pagkakilabot.
"Ewww!!!" pag-irit niya sa gilid ng makapal na sidewalk. Kulang na lang ay manginig ang laman n
