Bigla nang napangiwi si Auntie Juana. "Anong pinagsasabi mo? Bakit pa ako kukuha ng pasaway na bata kung anak naman pala kita? Tingin mo ba, mahahayaan kong alilain ka ng mga kapatid mo? May pagkahibang ka rin eh, ano?" Napaturo pa ito sa kaniya.
"Kinuha? Sinong pasaway na bata ang tinutukoy mo?" tanong ni Avah na nangunot ang noo.
"Hindi pa rin ba bumabalik ang alaala mo?" balik-tanong ni Auntie Juana.
Umiling lang siya.
Napabuntong hininga naman ito. "Kaya pala, lokaret ka pa rin hanggang ngayon." Pinitik ni Auntie Juana ang kaniyang noo, kaya naman bahagya siyang napaatras. Sa kabila nito, nagpatuloy ito sa pagkukuwento.
Si Beki pala ay anak ng dating kapitbahay nina Cindy. Maaga itong naulila sa ina kaya palaging napagbubuhatan ng kamay ng lasenggong ama. Nang magsu
