***
Luhaan si Nicole habang papasok sa loob ng prestihiyosong condominium— ang Diamond Empire Condo. Mayroon siyang visitor pass na ibinigay ng boyfriend kaya napakadali para sa kaniya na makapasok doon. Dala-dala ang malaking bag na nakasukbit sa kaniyang likod, sumalubong sa kaniya ang sopistikada nitong ambience at ang mabangong air freshener na mukhang humalo na sa hangin.
Sa kaniyang paglalakad patungo sa elevator, patuloy ang pag-contact niya sa numero ni Adonis—ang boyfriend niyang isang kilalang mamamahayag. Pero, sa kasamaang palad ay hindi naman ito tumutugon. Palagay niya ay nasa studio na ito at abala sa paghahanda para sa evening news kung saan, isa ito sa main anchor.
Nagpadala na lamang siya ng mensahe para sabihing nandito na siya sa condo. Alam naman niya ang passcode n
