***
Kaagad nang nag-asikaso si Avah para makaalis. Bago siya naligo, naghanap muna siya ng maisusuot mula sa aparador na nasa kabilang kuwarto. Nang buksan niya 'yon, agad nagsalubong ang kilay niya. Puro 'yon pangkaraniwang jeans, mahahabang skirt, t-shirt, jacket at blouse na mukhang pinaglumaan na ng ibang tao.
"Ang cheap niya talaga. Wala man lang siyang matinong damit," bulalas niya. "Paano siya nabubuhay nang ganito?"
Medyo nakaramdam siya ng panghihinayang na 'di sila nakabili ni David kahapon dahil sa pagdating ni Kristina.
"Nakakainis naman, eh!"
Wala siyang magawa kung 'di humablot ng maayos-ayos na tshirt at jeans. Itinapat niya 'yon sa katawan saka siya tumingin sa repleksyon ng babaeng 'yon mula sa salamin. Mukha naman itong may hitsura kung maaayusan. Napakapa siya sa di
