TULAD ng ipinangako ni Ace ay sa Timeless siya dumeretso pagkatapos ng photoshoot niya. Mabilis niyang i-pinark ang ford expedition niya sa parking lot nang lumang building kung saan naroon ang opisina ng Timeless. Marami ang nagtataka kung bakit sa kabila ng pagiging matagumpay at popular ng mga modelo ng Timeless ay sa ganoong klase ng building matatagpuan ang modeling agency nila.
Ganoon din ang tanong niya kay Nicolo nang una siya nitong dalhin doon galing amerika. Ang sabi nito ay noong itinayo kasi nito ang modeling agency ay gipit pa raw ang budget nito at ang space sa fourth floor ng building na iyon lamang ang pinakamura sa mga napagtanungan nito. At nang umasenso ang agency ay napamahal naman ito sa building na iyon. Naniniwala rin ito na suwerte dito ang building na iyon kaya h
